काठमाडौं । सहायक रथी सन्तोष बल्लभ पौडेल नेपाली सेनाका प्रवक्ता बनेका छन् । नेपाली सेनाले दिएको जानकारीका अनुसार जनसम्पर्क तथा सूचना निर्देशनालयका निर्देशक एवं नेपाली सेनाको प्रवक्ताको जिम्मेवारी पौडेलले पाएका हुन् । यसअघि सहायक रथी विज्ञान देव पाण्डेले प्रवक्ता पद सम्हालेका थिए ।
उनले शुक्रबार प्रवक्ताको जिम्मेवारी पौडेललाई हस्तान्तरण गरेका हुन् । सहायक रथी पाण्डेले २०७५ चैत २९ गतेदेखि सैनिक प्रवक्ताको कार्यभार सम्हालेका थिए ।
सेनाका कतिपय कुराहरु बाहिर आउँदैनन् । प्रवक्ताले कस्तो पारदर्शी भूमिका खेल्ने हुन् हेर्न बाँकी छ ।
