नेपाल खेलकुद पत्रकार मञ्चले आयोजना गर्र्दै आएको पल्सर स्पोर्टस् अवार्ड २०७२ का लागि पिपल्स च्वाइस अवार्ड विधाको मनोनयनमा पर्ने पाँच खेलाडीको नाम सार्वजनिक भएको छ । पिपल्स च्वाइस अवार्डको मनोनयनमा टेबल टेनिसकी नविता श्रेष्ठ, फुटबलका नवयुग श्रेष्ठ, भारोत्तोलनकी तारादेवी पुन, क्रिकेटका सन्दीप लामिछाने र भलिबलकी प्रतिभा माली परेका छन् । उनीहरुलाई एसएमएस र फेसबुकमार्फत भोट गर्न सकिने छ ।
यस बर्षको पल्सर स्पोर्टस अवार्डमा बर्षका उत्कृष्ट खेलाडी पुरुष, महिला र युवा तथा प्रशिक्षक, पिपल्स च्वाइस, वर्षका उत्कृष्ट पारा खेलाडी, स्पेशल अवार्ड र लाइफटाइम एचिभमेन्ट अवार्ड गरी ८ विधामा खेलाडी र समग्र रुपमा नेपाली खेलकर्र्मी सम्मानित हुँदैछन् । अवार्ड साउन ६ गते हुनेछ ।