काठमाडौं । कोरोना भाइरसका कारण विश्वभर ३ लाख ४८ हजारभन्दा बढी व्यक्तिको मृत्यु भएको छ । संक्रमितको संख्या करिब ५६ लाख पुगेको छ ।
जोन्स हप्किन्स विश्वविद्यालयका अनुसार विश्वभर २४ घण्टाको अवधिमा ९० हजार नयाँ संक्रमित भेटिएका छन् ।
विगत २४ घण्टामा विश्वभर ३ हजारको ज्यान गएको छ । विश्वभर करिब ५३ हजार १६६ जनाको स्वास्थ्य अवस्था कोरोनाभाइरसबाट अत्यन्त जटिल रहेको छ भने २८ लाख २१ हजारको स्वास्थ्य अवस्था सामान्य वा मध्यम छ ।
अमेरिकामा १७,०६,२२६ संक्रमित हुँदा ४,६४,६७० लाई निको भएको छ भने ९९,८०५ जनाको ज्यान गएको छ । बेलायतमा २,६१,१८४ जना संक्रमित हूँदा ३६,९१४ को मृत्यु भएको छ ।